• #163, කිරුළපන මාවත, කොළඹ 05, ශ්‍රී ලංකාව
  • +94 112 51 5759

engtami

නිදහස සිත් සේ විඳින්න අපූරු තෝතැන්නක්

Seethawaka uyana 9නිවාඩුවක් විවේකී සති අන්තයක් එනකොට අපි හැමෝම කැමතියි මේ කලබලකාරී ජීවන රටාවෙන් මිදිලා  ටිකක් නිදහසේ ඉන්න. ඒ ඈතට යන්න බැරි වුනත් ටිකක් කොළඹ ඇතුලෙම පුංචි රවුමක් දාන එක බොහෝ දෙනාගේ පුරුද්දක්.



ඒක ගතට වගේම සිතටත් සුවයක්. ඒ වගේම අපේ මානසික සෞඛ්‍ය සඳහා ඔසුවක්. එහෙම පුරුද්දක් තියෙන අයට යන්න අපූරු තැනක් කොළඹට ආසන්නයේම දැන් විවෘත වෙලා තිබෙනවා. ඒ තමයි සීතාවක තෙත් කළාපීය උද්භිද උද්‍යානය. මේක තියෙන්නේ අවිස්සාවේල්ල ඉලුක්ඕවිට ප්‍රදේශයේ. ඉතිං ඔබට මේ කර්යක්ෂම සමාජ වටපිටාවේ ඉන්න ඔබට ඒ ඒකාකරී ජීවන රටාවෙන් මිදිලා ටිකක් නිදහසේ සැනසීමේ ඉන්න තැනක් ගැන ඔබට තොරතුරු ගෙන එක මටත් පිනක් කියලා හිතලා මේ උද්‍යානයේ විස්තර ටිකක් ඔබට සැළ කරන්නම්. විැශ්ෂයෙන් කොළඹ අවට උදය වරුවේ කාර්යාලයේ වායු සමනය යටට වී සිටින, රාත්‍රියේදී නිවසේ කොන්ක්‍රීට් වනාන්තරවලට වී එහි පහස ලබන ඔබට මෙය කදිම පණිවිඩයක් වේවි. 


බස්නාහිර පළාතේ අවිස්සාවේල්ල ඉළුක්ඕවිට ප්‍රදේශයේ පිහිටා ඇති සීතාවක උද්භිත උද්‍යානයට ප්‍රවේශ මාර්ග දෙකකි. කොළඹ - අවිස්සාවේල්ල මාර්ගයේ අවිස්සාවේල්ල දෙසට 46 KM ගියවිට හමුවන පුවක්පිටිය දුම්රිය ස්ථානය අසලින් තුන්මෝදර මංසන්ධියෙන් හැරී 6 KM ගියවිට සීතාවක උද්භිත උද්‍යානයට ලඟාවිය හැකිවේ. තුන්මෝදර මංසන්ධියේ සිට බසයෙන් හෝ ත්‍රීරෝද රථයෙන් වුවද ගමන්කීරීමේ හැකියාව තිබේ. බසයෙන් ගමන්ගන්නා විට මාර්ග අංක 239 (අවිස්සාවේල්ල - පාදුක්ක) මගින් ලඟාවිය හැක. නැතහොත්, පාදුක්ක නගරයට පැමිණ, පාදුක්ක නගරයේ සිට මාර්ග අංක 239 (අවිස්සාවේල්ල - පාදුක්ක) ඔස්සේ 17 KM ගොස් බසයෙන් මෙම ස්ථානයට ලඟාවිය හැක. සෑම විනාඩි 30 වරක් බසයක් මාර්ගයේ ධාවනය වේ. අවිස්සාවේල්ල - පාදුක්ක මාර්ගය අතරතුර ඇති නාන තොටුපළ කිහිපයක්ද මෙම ගමනේ හමුවේ.Seethawaka uyana 3


සරු තේ යායකට සහ රබර් යායකට මායිම් වෙලා නිර්මාණය වුණ මෙම සීතාවක උද්භිද උද්‍යානය දැනට වසර දෙකකට පමණ ඉහතදී  විවෘත වූවක්. මේ නිසා මේ ගැන බහුතරයක් දෙනා නොදැනුවත්. පරිසරයේ සුන්දරත්වය විඳින්න ,මල් බලන්න, සොබා සිරි නරඹන්න අපි නුවරඑළියට හග්ගල‍ට නැත්නම් පේරාදෙණියට ම යන්න ඕනි. ඒත් දැන් අපිට පුංචි විකල්ප ස්ථානයක් තියෙනවා. හග්ගල, පේරාදෙනිය තරමටම නැතිවුවත් ටිකක් හරි ඒ හා සමාන. අගනුවරට නුදුරින් පැය එක හමාරක දෙකක කෙටි කාලයකින් ළඟා විය හැකි සොඳුරු මල් උයනක් විදිහට මෙය සැළකිය හැකියි.


ශ්‍රී ලංකාවේ පළමුවැනි උද්භිද උද්‍යානය වන්නේ පේරාදෙණිය රාජකීය උද්භිද උද්‍යානයයි. එය 1821 වසරේදී ආරම්භ විය. දෙවැන්න වන්නේ හග්ගල පිහිටි උද්භිද උද්‍යානයයි. එය 1861 වසරේදී ඇරැඹී ඇත. තෙවැන්න වන්නේ හෙනරත්ගොඩ උද්භිද උද්‍යානයයි. එය 1876 වර්ෂයේ දී ආරම්භ කර තිබේ. මිරිජ්ජවිල පිහිටි සිව්වැනි උද්භිද උද්‍යානය ආරම්භ කරනු ලැබුවේ 2013 වසරේ දී ය. ඒ අනුව 2015 වසරේ මාර්තු 25 වැනි දින ඇරැඹූ සීතාවක පිහිටි තෙත් කලාපීය උද්භිද උද්‍යානය මෙරට පස්වැනි උද්භිද උද්‍යානය ලෙස සම්භාවනාවට පාත්‍රව ඇත.


මෙලෙස ශ්‍රී ලංකාවේ පස්වැනි උද්භිද උද්‍යානය ලෙස ඉතිහාසයට එක්වූ සීතාවක උද්භිද උද්‍යානය , පිවිසුම් දොරටුවේ සිටම මවන්නේ අපූර්ව චමත්කාරයකි. පසෙකින් පස්පියුමින් සුසැදි විලකි. හිරු කිරණ වැදී බැබළෙන නිල්වන් දිය දහර ,විචිත්‍රවත් ය. රොන් බී මත්වූ බිඟුන්ගේ නද විල් තෙර පුරා සිසාරා යයි. බිම් ඇතිරුම් ගල්වලින් අලංකෘත වු උද්‍යානයට පිවිසීමට ඇති මාවත, මුළු උද්‍යානයටම අපූර්ව සුන්දරත්වයක් එක්කරමින් සිටී. ඈතින් පෙනෙන නිල්ල පිරි ගහකොළ, ස්වභාදම් මෑණියගේ අපූර්ව දායාදයක් බඳු ය. ගත සිත ප්‍රබෝධවත් කරමින් හමාඑන මදනළ, අව් රශ්මිය මදක් අවම කිරීමට සමත්ය. Seethawaka uyana 10


උද්‍යානය ආරම්භ කිරීමේ මූලික පරමාර්ථය වුයේ අභියෝගයට ලක්ව ඇති පහත රට තෙත් කලාපීය වනාන්තර වල ඇති වෘක්ෂලතාදිය අනාගත පරපුර සඳහා සංරක්ෂණය කිරීමට සුරුකුම් (විතැන් ශාක සංරක්ෂණ) මධ්‍යස්ථානයක් ආරම්භ කිරීමයි. මීට අමතරව මෙම උද්‍යානය පාරිසරික සංචාරක මධ්‍යස්ථානයක් ලෙසද, මෙම ප්‍රදේශයේ ආර්ථික වර්ධනයට දායක වන හා තෙත් කලාපීය භූ දර්ශන වැඩි දියුණු කිරීමේ ආදර්ශයක් ලෙසද වැදගත් වනු ඇත. දිගුකාලීනව වැඩි ප්‍රසිද්ධියක් නැති හා ඌන උපයෝජිත ශාඛ වර්ග දැක බලාගැනීමටත්, ඖෂධීය ශාඛ කර්මාන්තයේ වර්ධනය සදහාත්, තෙත් කලාප තුළ, උද්භිත විද්‍යාව හා මල් වගාව පිළිබඳ අධ්‍යාපන හා පුහුණුව ලබා දීම සඳහාත් මධ්‍යස්ථානයක් ලෙස මෙය මහජනතාවට සේවා සපයනු ඇත.Seethawaka uyana 7


උද්‍යානය තුළ භූමිය ප්‍රධාන කොටස් කිහිපයකට බෙදා වෙන්කර ඇත. එනම්, තේ වගාව, මීවන උයන, රුක් උයන්, තර්ජිත ශාක එකතුව, තාල ශාක එකතුව, මුදුන් උයන/ රෝස උයන, මධ්‍යම තෘණ පිටිය සහ වැව 1,2 හා 3 ආදී ලෙසයි. මින් වැව 01 හංස බෝට්ටු සඳහා වෙන්කර ඇති අතර මධ්‍යම තෘණ පිටිය හා ඒ අවට ප්‍රදේශය මංගල ඡායාරූපකරණයට වෙන්කර ගැනීමේ හැකියාවද ඇත. හංස බෝට්ටු සඳහා ප්‍රවේශපත් ඇතුල්වන විටම ගතයුතු අතර මංගල ඡායාරූපකරණය සඳහා කලින් දින වෙන්කර ගැනීමට හැකිය.


ලබුගම ජලාශයට ජලය සපයන ජල ‍පෝෂක කලාපයට යාබදව පිහිටි හරිත වනයෙන් අක්කර 106 ක බිම් කඩක් මෙම උද්‍යානය සඳහා වෙන් වෙලා තියෙනවා.  මෙහි මුළු බිම් ප්‍රමාණය හෙක්ටෙයාර් 43 (අක්කර 106) ක් පමණ වේ. පහතරට තෙත් බිම්වලට ආවේණික තුරුලතා ආරක්ෂා කිරීම, අලුතින් සිටුවා සංරක්ෂණය කිරීම මෙන්ම ඒ පිළිබඳ අධ්‍යයනයෙහි යෙදෙන විද්‍යාර්ථීන්ට හා විද්වතුන්ට එහි පැමිණ තුරු ලතා අධ්‍යයනය කරන්නට, පර්යේෂණ කරන්නට හා තුරු ලතා සෙවණෙහි පහස ලබන්නටත් එහි ඉඩ සලසා තිබීම සුවිශේෂීත්වයක්. එබැවින් මෙම උද්‍යානය හුදු විවේකය සහ විනෝදය සපයන මල් වත්තක් සේ සැළකිය නොහැක. එහි ඖෂධීය ශාක හා විසිතුරු මල් හා උද්භිද විද්‍යානුකූල පැළැටි බෝ කිරීමට, ඒ පිළිබඳ පර්යේෂණ කිරීමට අධ්‍යයනය කිරීමට මෙන්ම අලෙවි කිරීමට පහසුකම් එහි සපයලා තිබේ.


මල් වගාව, කාබනික වගාව, ඔසු වගාව හා මල් හා පැළ අපනයනය සඳහා මෙහි පහසුකම් සැලසෙනවා. උද්භිද විද්‍යාව හා පරිසර විද්‍යා සිසුනට පර්යේෂණගාර පහසුකම් සැලසීම, ජෛව විවිධත්ව සංරක්ෂණය සඳහා වන පාරිසරික මධ්‍යස්ථානයක් ලෙස පවත්වාගෙන යාම මෙන්ම සත්ත්ව හා ශාඛ පිළිබඳ පර්යේෂණායතනයක් ලෙස කටයුතු කිරීමත් මෙයින් ඉටුවෙන අනෙකුත් සේවාවන්.Seethawaka uyana 6


උයන මැද පිහිටි වැව හා ජල උද්‍යානය නරඹන්නන් සඳහා වන බෝට්ටු සේවය එහි යනෙන සංචාරකයන් වඩාත් ආකර්ෂණය කරගන්නවා . පහතරට තෙත් කලාපයට ආවේණික දුලභ ශාක විශේෂ 100 කට අධිකව ඇති මෙහි වඳ වීමේ තර්ජනයට ලක්ව ඇති වල්ලාපට්ටා, බිම් පොල් ඇතුළු තාල වර්ග‍යේ දෙබඩි පොල්, මීමනවර්ග හා ඖෂධීය ශාක සමූහයකින් යුත් ප්‍රාදේශීය ශඛාගාරයකින් ද යුතු වීම එහි ඇති විශේෂත්වයක් සේ සැළකිය හැක. මල් වගාව, කාබනික වගාව, ඔසු වගාව හා මල් හා පැළ අපනයනය සඳහා මෙහි පහසුකම් සැලසෙනවා. උද්භිද විද්‍යාව හා පරිසර විද්‍යා සිසුනට පර්යේෂණගාර පහසුකම් සැලසීම, ජෛව විවිධත්ව සංරක්ෂණය සඳහා වන පාරිසරික මධ්‍යස්ථානයක් ලෙස පවත්වාගෙන යාම මෙන්ම සත්ත්ව හා ශාඛ පිළිබඳ පර්යේෂණායතනයක් ලෙස කටයුතු කිරීමත් මෙයින් ඉටුවෙන අනෙකුත් සේවාවන්.


අලුතින් ම ඉදි වූ උද්‍යානයේ නරඹන්නන්ට අවශ්‍ය පොදු පහසුකම් බොහොමයක් සපුරා තිබෙනවා. දුර බැහැර සිට එහි යන සංචාරකයන් සඳහා තවමත් අවට නවාතැන් පහසුකම් ඉදිවී නොමැති වීම දුර්වලතාවයක් සේ සැළකිය හැකිය. කෙසේ වුවද අගනුවර සිට කෙටි කාලයක් තුළ ළඟා වී විවේකය විනෝදය මෙන් ම දැනුම ලබා ගන්නට හැකි සොඳුරු තෝතැන්නක් ලෙස සීතාවක උද්භිද උද්‍යානය හඳුන්වන්නට පුළුවන. 


036-379-5295 යන දුරකතන අංකයෙන් වැඩි විස්තර ලබාගත හැකිය.


උද්‍යානය දිනපතා උදෑසන 7.30 සිට සවස 6 දක්වා විවෘතව ඇති අතර ප්‍රවේශ පත්‍ර සවස 5 වන තෙක් නිකුත් කරයි.
 
 
 
 
මනුෂ්කා නදුෂානි ප්‍රේමරත්න,
ජන සන්නිවේදන අධ්‍යනාංශය,
කැලණිය විශ්ව විද්‍යාලය.

නවතම පුවත්

ආචාර්ය ධර්මසේන පතිරාජ මහතාගේ කලා දිවියට වසර 50ක් සැපිරීමේ උපහාර උළෙල හෙට

25 June 2017
ආචාර්ය ධර්මසේන පතිරාජ මහතාගේ කලා දිවියට වසර 50ක් සැපිරීමේ උපහාර උළෙල හෙට

ශ්‍රී ලාංකීය සිනමාවේ ප්‍රගමනයට සුවිශේෂී දායකත්වයක් ලබාදුන් ප්‍රවීන චිත්‍රපට අධ්‍යක්ෂ...

සර්ටිස් ලංකා සමූහයේ හතළිස් වන සංවත්සර සැමරේ

25 June 2017
සර්ටිස් ලංකා සමූහයේ හතළිස් වන සංවත්සර සැමරේ

සර්ටිස් ලංකා සමූහයේ හතළිස් වන සංවත්සර සැමරුම හා සම්මාන රාත්‍රිය...

ආපදා තත්ත්වයෙන් පීඩාවට පත් පාසල් දරුවන්ට අධ්‍යාපන අමාත්‍යාංශයෙන් සහන පැකේජක්

24 June 2017
   ආපදා තත්ත්වයෙන් පීඩාවට පත් පාසල් දරුවන්ට අධ්‍යාපන අමාත්‍යාංශයෙන් සහන පැකේජක්

ආපදා තත්ත්වය හේතුවෙන් පීඩාවට පත්වූ පාසල් දරුවන්ගේ අධ්‍යාපන කටයුතු යළි...

ජලයට තනි අයිතිකරුවෙක් නොමැතිවීම ජල කළමනාකරණයේදී බරපතල ගැටලුවක්

24 June 2017
ජලයට තනි අයිතිකරුවෙක් නොමැතිවීම ජල කළමනාකරණයේදී බරපතල ගැටලුවක්

රටේ ජල සම්පතට වගකියන තනි ආයතනයක් නොමැතිවීම ජල කළමනාකරණයේදී බරපතළ...

‘සංහිඳියාව යනු...’ මැයෙන් පැවැත්වෙන ඡායාරූප තරගාවලියට අයැදුම්පත් කැඳවේ

23 June 2017
‘සංහිඳියාව යනු...’ මැයෙන් පැවැත්වෙන ඡායාරූප තරගාවලියට අයැදුම්පත් කැඳවේ

ජාතික සමගිය හා සංහිඳියා කාර්යාංශය (ONUR) ශ්‍රී ලංකාවේ සහ මාලදිවයිනේ...

2017 - ජාතික පෝෂණ මාසයේ සමාරම්භක උත්සවය අද ගම්පහදී

23 June 2017
2017 - ජාතික පෝෂණ මාසයේ සමාරම්භක උත්සවය අද ගම්පහදී

2017 - ජාතික පෝෂණ මාසයේ සමාරම්භක උත්සවය සෞඛ්‍ය, පෝෂණ හා...

පාර්ලිමේන්තුවේ රජයේ ගිණුම් පිළිබඳ කාරක සභාවේ වාර්තා පිළිගැන්වීම

23 June 2017
පාර්ලිමේන්තුවේ රජයේ ගිණුම් පිළිබඳ කාරක සභාවේ වාර්තා පිළිගැන්වීම

8 වැනි පාර්ලිමේන්තුවේ පළමුවැනි සැසිවාරය සඳහා වූ රජයේ ගිණුම් පිළිබඳ...

ධර්මසේන පතිරාජ මහතාගේ කලා දිවියට 50 සපිරීම

23 June 2017
ධර්මසේන පතිරාජ මහතාගේ කලා දිවියට 50 සපිරීම

විෂය - ප්‍රවීන චිත්‍රපට අධ්‍යක්ෂ ආචාර්ය ධර්මසේන පතිරාජ මහතාගේ කලා...

අනෙකුත් ආගමික දර්ශනයන්ට හිමි ස්ථානය සුරක්ෂිත කරමින් බෞද්ධාගමික පරිසරයක් තුළ යහපත් සමාජයක් -ජනපති

23 June 2017
අනෙකුත් ආගමික දර්ශනයන්ට හිමි ස්ථානය සුරක්ෂිත කරමින් බෞද්ධාගමික පරිසරයක් තුළ යහපත් සමාජයක් -ජනපති

අනෙකුත් ආගමික දර්ශනයන්ට හිමි ස්ථානය සුරක්ෂිත කරමින් බෞද්ධාගමික පරිසරයක් තුළ...

නව ලග්ගල නගරයේ ඉදිකිරීම් අවසන් අදියරේ

23 June 2017
නව ලග්ගල නගරයේ ඉදිකිරීම් අවසන් අදියරේ

මොරගහකන්ද – කළුගඟ ව්‍යාපෘතියෙන් යටවන පැරණි ලග්ගල නගරය වෙනුවට නව...

ගුරු පත්වීම් සහ ගුරු මාරු ක‍්‍රමය පිළිබඳ නව ප‍්‍රතිපත්තියක් මේ වසරේදී - ජනපති

23 June 2017
ගුරු පත්වීම් සහ ගුරු මාරු ක‍්‍රමය පිළිබඳ නව ප‍්‍රතිපත්තියක් මේ වසරේදී - ජනපති

ගුරු පත්වීම් සහ ගුරු මාරු ක‍්‍රමය පිළිබඳ නව ප‍්‍රතිපත්තියක් හඳුන්වාදීමට...

දේශපාලන හස්තයන්ගේ මෙහෙයවීමෙන් සිදුකෙරෙන කුමන්ත‍්‍රණවලට විශ්වවිද්‍යාල සිසුන්ට දොස් නැගීමෙන් පළක් නෑ

23 June 2017
දේශපාලන හස්තයන්ගේ මෙහෙයවීමෙන් සිදුකෙරෙන කුමන්ත‍්‍රණවලට විශ්වවිද්‍යාල සිසුන්ට දොස් නැගීමෙන් පළක්  නෑ

රජයේ විශ්ව විද්‍යාලවල වෛද්‍ය සිසුන්ට අසාධාරණයක් සිදු කරමින් ඔවුන්ගේ වරප‍්‍රසාද...

සෞඛ්‍ය අමාත්‍යාංශයට මිලියන ගණනාවක දේපළ හානි

22 June 2017
 සෞඛ්‍ය අමාත්‍යාංශයට මිලියන ගණනාවක දේපළ හානි

මාලඹේ සයිටම් ආයතනය ජනසතු කරන ලෙස බලකරමින් අන්තර් විශ්වවිද්‍යාලයීය ශිෂ්‍ය...

ඩෙංගු රෝගය මහනුවරටත් තර්ජනයක්

22 June 2017
 ඩෙංගු රෝගය මහනුවරටත් තර්ජනයක්

මෙම වසරේ ජනවාරී මාසයේ සිට මැයි මාසය අවසන් වන විට...

කෑගල්ල දිස්ත්‍රික්කයේ පුද්ගලයින් 534 දෙනෙකු ට රුපියල් ලක්ෂය බැගින් විසිරි ණය චෙක්පත්

22 June 2017
කෑගල්ල දිස්ත්‍රික්කයේ පුද්ගලයින් 534 දෙනෙකු ට රුපියල් ලක්ෂය බැගින් විසිරි ණය චෙක්පත්

විවිධ බාධක මධ්‍යයේ වුවද ජනතාවගේ අවශ්‍යතා වලට සරිලන ආකාරයේ සහන...

හැටන් කුණු කසළ ගැටලු ව විසඳීමට කඩිනම් පියවර

22 June 2017
හැටන් කුණු කසළ ගැටලු ව විසඳීමට කඩිනම් පියවර

හැටන් නගරයේ කුණු කසළ ගැටලු ව විසඳීමට කඩිනම් පියවර ගැනිමට...

කෑගල්ලේ ඩෙංගු රෝගීන් 2809ක්

22 June 2017
කෑගල්ලේ ඩෙංගු රෝගීන් 2809ක්

මේ වසරේ ගත වූ මාස හය තුළ කෑගල්ලේ ඩෙංගු රෝගීන්...

මොරගහකන්ද ජල විදුලි බලාගාරය විදුලි උත්පාදනයට සූදානම්

22 June 2017
මොරගහකන්ද ජල විදුලි බලාගාරය විදුලි උත්පාදනයට සූදානම්

ජාතික විදුලිබල පද්ධතියට මෙගාවොට් 25 ක ධාරිතාවක් එක්කරන මොරගහකන්ද ජල...

ඉෆ්තාර් උත්සවය රජයේ ප්‍ර‍වෘත්ති දෙපාර්තමේන්තුවේදී

21 June 2017
ඉෆ්තාර් උත්සවය රජයේ ප්‍ර‍වෘත්ති දෙපාර්තමේන්තුවේදී

රජයේ ප්‍ර‍වෘත්ති දෙපාර්තමේන්තුව විසින් සංවිධානය කළ ඉස්ලාම් බැතිමතුන්ගේ දෛනික රාමසාන්...

ශ්‍රී ලංකාවේ තිරසාර සංවර්ධන ඉලක්කයන් වෙත ළඟාවීම සඳහා රාජ්‍ය හා පෞද්ගලික මාධ්‍ය ප්‍රභවයන් ඵලදායී අරමුණක් වෙත ගෙන යාම මෙම දෙපාර්තමේන්තුවේ කාර්යභාරය වේ.

world wesak conferace final logo