ගාල්ල දිස්ත්රික්කයේ උඩුගම අධිකරණ කලාපය ආවරණය වන පරිදි නව පරිවාස හා ළමාරක්ෂක සේවා කාර්යාලයක් ආරම්භ කිරීමට දකුණු පළාත් පරිවාස හා ළමාරක්ෂක සේවා දෙපාර්තමේන්තුව තීරණය කර ඇත.
ඒ අනූව හෙට (16) දින ප.ව 2.00 ට දකුණු පළාත් සමාජ සුභසාධන පරිවාස හා ළමා රක්ෂක සේවා අමාත්ය වීරසුමන වීරසිංහ මහතාගේ ප්රධානත්වයෙන් මෙම නව කාර්යාල පරිශ්රය විවෘත කිරීමට නියමිතය.
මේ වන විට දකුණු පළාත තුළ ගාල්ල, බලපිටිය, මාතර තංගල්ල, වලස්මුල්ල හා හම්බන්තොට අධිකරණ කලාප ආවරණය පරිදි පරිවාස කාර්යල හයක් මේ වන විට ක්රියාත්මක වේ.
මෙම උඩුගම කලාපය පිහිටු වීමේ අරමුණ වනුයේ ගාල්ල දිස්ත්රික්කයේ නෙළුව, හිනිදුම, උඩුගම, ආදී දුර පළාත්වල සේවාලාභීන් සඳහා සේවා පහසුකම් කඩිනමින් ලබා දීමයි.