සමාජ ආරක්ෂණ විශ්‍රාම වැටුප් යෝජනා ක්‍රමය පිළිබඳ ව මාතර දිස්ත්‍රික්කයේ රාජ්‍ය නිලධාරීන් දැනුම්වත් කිරීමේ වැඩසටහනක් මාතර දිස්ත්‍රික් ලේකම් ප්‍රදීප් රත්නායක මහතාගේ ප්‍රධානත්වයෙන් ලබන මස (01) වැනිදා පෙ.ව. 9.30 ට මාතර - නූපේ සණස ශාලාවේ දී පැවැත්වේ.
මෙහි දී සමාජ ආරක්ෂණ විශ්‍රාම වැටුප් යෝජනා ක්‍රමය පිළිබඳ ව, එය ක්‍රියාත්මක කිරීමේ දී මතුවන ගැටලු ව පිළිබඳ ව, සාමාජිකයින් බඳවා ගැනීමේ නව ක්‍රමවේද පිළිබඳ ව සහ දිරි දීමනා පිළිබඳ ව දැනුම්වත් කිරීම සිදු කෙරේ.
මාතර දිස්ත්‍රික්කයේ සියලු ම ප්‍රාදේශීය ලේකම් කොට්ඨාස නියෝජනය කරමින් සමාජ සේවා නිලධාරීන්, සමාජ සංවර්ධන සහකාර නිලධාරීන්, විෂය ලිපිකරුවන් හා ග්‍රාම නිලධාරීන් සහභාගි වීමට නියමිත ය.සමාජ ආරක්ෂණ මණ්ඩලයේ මාතර දිස්ත්‍රික් කාර්යාලය වැඩසටහන සංවිධානය කරයි.
