ශ්‍රී ලංකාවේ වසර විස්සක් පමණ ක්‍රියාකාරීව සිටින සහ වසර නමයක පමණ පළාත් පාලන ක්ෂේත්‍රයේ අත්දැකිම් සහිත සිවිල් සංවිධානයක් වන විකල්ප ප්‍රතිපත්ති කේන්ද්‍රය පළාත් පාලන දේශපාලන තීරණ ගැනීමේ ක්‍රියාවලිය තුළ කාන්තා සහභාගීත්වය ශක්තිමත් කිරීම සඳහා විශේෂ ව්‍යාපෘතියක් ආරම්භ කර ඇත.
මේ සඳහා පළාත් සභා හා පළාත් පාලන අමාත්‍යංශය, කාන්තා සහ ළමා කටයුතු අමාත්‍යාංශය සමඟ මැතිවරණ කොමිෂන් සභාව සිය සහයෝගය ලබා දෙයි. මෙම දැනුම්වත් කිරීමේ වැඩසටහන දකුණු පළාත, ඌව පළාත, නැගෙනහිරි සහ උතුරු පළාත ආවරණය කරමින් මේ වන විටත් දිස්ත්‍රික්ක 13ක සාර්ථක ව ක්‍රියාත්මක වෙමින් පවති. මෙහි දී මෙයට සමඟාමී ව දේශන මාලාවක් සහ සංවාදයක් පැවැත් වේ.
ගාල්ල දිස්ත්‍රික් වැඩසටහන ලබන මස (04) වැනි දින පෙ.ව 9.00 ට ආරම්භ කිරීමට සියලු ම කටයුතු සූදනම් කර ඇත. මේ අවස්ථාව සඳහා දිස්ත්‍රික්කයේ වනිතා සංවර්ධන නිලධාරීනීන් සහ මාධ්‍ය වේදීන්ද සම්බන්ධ කර ගැනීමට විකල්ප ප්‍රතිපත්ති කේන්ද්‍රය අපේක්ෂා කරයි.
