ඌරුබොක්ක නගරය කේන්ද්‍රකර ගනිමින් සිදු කෙරුණු රථ වාහන සෝදිසි කිරීමේ මෙහෙයුමක දී ධාවනයට නුසුදුසු තත්ත්වයේ පැවති වාහන 48 ට තහනම් නියෝග නිකුත් කර තිබේ.
මාතර දිස්ත්‍රික්කයේ මෝටර් රථ පරික්ෂකවරුන් වන එන්.කෝදාගොඩ මහතා හා ටී.එම්.ඩී.ජී. අතුල කුමාර මහතා ඇතුළු නිලධාරීන් සහ ඌරුබොක්ක පොලිසිය එක්ව පසුගියදා මෙම රථවාහන සෝදිසි මෙහෙයුම සිදු කරන ලදි.
පාසල් ළමයින් ප්‍රවාහනය කරන පාසල් වෑන් රථ ඇතුළු වාහන රැසක් මෙහි දී පරීක්ෂාවට ලක්කර ඇත.මාතර දිස්ත්‍රික්කයේ අනෙකුත් නගර කේන්ද්‍රකර ගනිමින් ද මෙවැනි සෝදිසි මෙහෙයුම් ඉදිරියේ දී ක්‍රියාත්මක කිරීමට නියමිත ය.
