මාතර දිස්ත්‍රික්කයේ කුඩා තේ වතු හිමියන් 20294 දෙනෙකුට රුපියල් මිලියන 126.96ක මුදලක් පොහොර සහනාධාරය වශයෙන් ගෙවීමට මේ වන විට කටයුතු කර ඇති බව කුඩා තේ වතු සංවර්ධන අධිකාරියේ මාතර දිස්ත්‍රික් කාර්යාලය පවසයි.

මාතර දිස්ත්‍රික්කයේ තේ ව්‍යාප්ති නිලධාරි කොට්ඨාස 20ක තේ වගා කරුවන්ගේ සමිති 172ක් ඇති අතර, එයින් සමිති 66ක සාමාජිකයින් සඳහා මෙම මූල්‍යමය ප්‍රතිපාදන ගෙවා ඇත.

ඉතිරි සමිති 106ක සාමාජිකයින් සඳහා ඉදිරියේ දී පොහොර සහනාධාරය ගෙවීමට නියමිත ය.

මෙවර පොහොර සහනාධාරය, කුඩා තේ වතු හිමි තේ වගාකරුවන් සඳහා අක්කරයකට වසරකට රුපියල් 15000ක උපරිමයකට යටත්ව සහනාධාරය ලබා දේ.