මාර්තු මස 08 දිනට යෙදී ඇති ජාත්‍යන්තර කාන්තා දිනයට සමගාමීව කාන්තා හඬ අවධි කරවීම උදෙසා වනඋද්දේශන පා ගමනක් කාන්තා හා පිරිමි දෙපාර්ශවයේම 200 දෙනෙකුගේ පමණ සහභාගිත්වයෙන් අද (01) පෙරවරුවේ ගම්පහ දී පැවැත්විණි.
පා ගමන අවසානයේ දැනුවත් කිරීමේ වැඩසටහනක් ගම්පහ දිස්ත්‍රික් ලේකම් කාර්යාලයේ ශ්‍රවණාගාරයේ දී පැවති අතර එහි ප්‍රධාන දේශනය පවත්වන ලද්දේ නගර සැලසුම් හා ජල සම්පාදන අමාත්‍යාංශයේ වැඩබලන ලේකම් පර්ල් වීරසිංහ මහත්මිය විසිනි.
මේ වැඩසටහන සඳහා පාර්ලිමේන්තු මන්ත්‍රී අජිත් මාන්නප්පෙරුම, ගම්පහ දිස්ත්‍රික් ලේකම් සුනිල් ජයලත්, ආසියා කලාපයේ ළමා අයිතීන් සුරැකීමේ තානාපතිනී චාන්දි වීරසූරිය යන මහත්ම මහත්මීන් ඇතුළු නිලධාරීහු රැසක් සහභාගි වූහ.
