• #163, කිරුළපන මාවත, කොළඹ 05, ශ්‍රී ලංකාව
  • +94 112 51 5759

engtami

ලක් සතොස මගින් උපරිම සිල්ලර මිලටත් වඩා රුපියල් තුනක් අඩුවෙන් සහල්

rice2017සහල් සඳහා නියම කළ උපරිම සිල්ලර මිලටත් වඩා රුපියල් තුනක් අඩුවෙන් ලක් සතොස මගින් සහල් විකුණන බව කර්මාන්ත  හා වාණිජ කටයුතු අමාත්‍ය රිෂාඩ් බදියුදීන්  මහතා පවසයි. 

දේශීය හා ආනයනික සහල් තොග අවශ්‍ය තරම් සතොස ගබඩාවල ඇති බැවින් පාරිභෝගිකයින්ගේ පහසුව තකා මෙම පියවර ගත් බව අමාත්‍යවරයා  වැඩිදුරටත් පවසයි. ඒ අනුව උපරිම සිල්ලර මිල රුපියල් 78ක් ලෙස නියම කර ඇති දේශීය සුදු රතු කැකුළු හා සුදු කැකුළු සහල් කිලෝවක් රුපියල් 75ක ට මිලදී ගත හැකි බවත්, ඇතැම් සිල්ලර වෙළෙඳුන් දේශීය හා ආනයනික සහල් උපරීම සිල්ලර මිලට විකිණිය නොහැකි බවට මැසිවිලි නගන බැවින් ඔවුන් සඳහා අවශ්‍ය සහල් තොග සතොස මගින් සැපයිය හැකි බවද අමාත්‍යවරයා සඳහන් කරයි. 

මේ අතර, ලක් සතොස සභාපති ටී.එම්.කේ.බී. තෙන්නකෝන්  මහතා සඳහන් කර සිටින්නේ සතොස සතුව ප්‍රමාණවත් සහල් තොග ඇති බැවින් ජංගම රථ යොදවා නගර හා ජනාකීර්ණ ප්‍රදේශවල සහල් අලෙවි කිරීමට කටයුතු කරන බවයි.

 ළඟ එන සිංහල අලුත් අවුරුදු උත්සව සමයේ සහල් මිල ඉහළ යා හැකි බවට අසත්‍ය ප්‍රචාර ගෙන ගියද රට තුළ කිසිසේත් ම සහල් හිඟයක් ඇති නොවන බවත්, ඉදිරියේදී සහල්වල මිල අඩුවීමක් මිස වැඩිවීමක් නොවන බවද කර්මාන්ත හා වාණිජ කටයුතු අමාත්‍යාංශය පවසයි.

නවතම පුවත්

ශ්‍රී ලංකාවේ තිරසාර සංවර්ධන ඉලක්කයන් වෙත ළඟාවීම සඳහා රාජ්‍ය හා පෞද්ගලික මාධ්‍ය ප්‍රභවයන් ඵලදායී අරමුණක් වෙත ගෙන යාම මෙම දෙපාර්තමේන්තුවේ කාර්යභාරය වේ.