ශ්‍රී ලංකා ගුවන් හමුදාවේ 66 වැනි සංවත්සරය වෙනුවෙන් රත්මලාන ගුවන් හමුදා කඳවුරු පරිශ්‍රයේ සංවිධානය කරන ගුවන් හමුදා ප්‍රදර්ශණය සහ සැණකෙළිය නැරඹීම සඳහා මෙන්ම අවසන් දින උත්සවයේ ප්‍රධාන ආරාධිත අමුත්තා ලෙස ආරක්‍ෂක රාජ්‍ය අමාත්‍ය රුවන් විජයවර්ධන මහතා ඊයේ දින (මාර්තු 05) සන්ධ්‍යාවේ සහභාගි විය.
රාජ්‍ය අමාත්‍ය වරයා පිළිගැනීමෙන් අනතුරුව ප්‍රධාන පීඨිකාවවෙත කැඳවාගෙන එනලදී, අනතුරුව ගුවන් යානා සංදර්ශනය ආරම්භකරන ලද අතර එයට සමගාමිව ගුවන් හමුදාව විසින් සංවිධානය කර තිබූ සංදර්ශන, විවිධ ක්‍රියාකාරකම් සහ ප්‍රදර්ශණ කුටි නැරඹීමටද සහභාග විය.
මේ අවස්ථාවට හමුදා ප්‍රධානින් ඇතුළු ත්‍රිවිධ හමුදා ජ්‍යෙෂ්ඨ නිලධාරින් රැසක් මෙන්ම නරඹන්නන් විශාල පිරිසක් සහභාග වී සිටියහ.ශ්‍රී ලංකා ගුවන් හමුදාවේ 66 වැනි සංවත්සරය වෙනුවෙන් සංවිධානය කරන ලද මෙම ප්‍රදර්ශණය සහ සැණකෙළිය සිකුරාදා (මාර්තු 03) දින ආරම්භ වූ අතර ඊයේ දින අවසන් විය.
