දෙදින නිල සංචාරයක් සඳහා එක්සත් ජාතීන්ගේ මහලේකම් බෑන් කී මූන් මහතා නිල සංචාරයක් සඳහා අද (31) දිවයිනට පැමිණීමට නියමිතය.
සංචාරය අතරතුර බෑන් කී මූන් මහතා ජනාධිපති මෛත්‍රීපාල සිරිසේන මහතා, අග්‍රාමාත්‍ය රනිල් වික්‍රමසිංහ මහතා සහ පාර්ලිමේන්තු මන්ත්‍රීවරුන් පිරිසක් හමුවීමට නියමිතය.
හෙට (01) දිනයේ එක්සත් ජාතීන්ගේ මහලේකම්වරයා "සංහිදියාව හා සහජීවනය - තරුණයාගේ කාර්යභාරය"යන තේමාව යටතේ ගාල්ලේ පැවැත්වෙන තරුණ වැඩසටහනට ද සහභාගීවීමට නියමිතය.
සැප්තැම්බර් 02 වනදා ඒ මහතා යාපනයේ සංචාරයකට එක් වන අතර නැවත පදිංචි කිරීමේ ප්‍රදේශයකි නිරීක්ෂණයට ද එක් වන බව එක්සත් ජාතීන්ගේ සංවිධානය සඳහන් කරයි.
මහලේකම්වරයා මෙම සංචාරය තුළ ලක්ෂමන් කදිරගාමර් කේන්ද්‍රයේදී විශේෂ දේශනයකට සහභාගී වීමට නියමිතය.
