හෙට ආරම්භ වන එක්සත් ජාතීන්ගේ වෙසක් දින උළෙල සඳහා සහභාගී වීමට ඉන්දීය අග්රාමාත්ය නරේන්ද්ර මෝදි මහතා මීට ස්වල්ප මොහොතකට පෙර කටුනායක, බණ්ඩාරනායක ජාත්යන්තර ගුවන් තොටුපොළින් ශ්රී ලංකාවට සැපැත්විය.
ශ්රී ලංකා වේලාවෙන් ප.ව. 5.45 ට ඉන්දියන් ගුවන්සේවයට අයත් විශේෂ ගුවන්යානයකින් දිවයිනට පැමිණි ඒ මහතා පිළිගනු ලැබූයේ ශ්රී ලංකා අග්රාමාත්ය රනිල් වික්රමසිංහ මහතා ප්රමුඛ මැති ඇමතිවරුන් රැසකගේ ප්රධානත්වයෙනි.
අග්රාමාත්යවරයා කටුනායක ගුවන්තොටුපොළේ දී විශේෂ ආරාධිතයින්ගේ සමරු සටහන් පොතේ සටහන් තැබූ අතර, මින් අනතුරුව ඒ මහතා කොළඹ ගංගාරාමයේ විශේෂ වැඩසටහනකට ද සහභාගි වීමට නියමිත වේ.