නේපාල ජනාධිපති බිද්‍ය දේවි බණ්ඩාරී මහත්මියගේ ශ්‍රී ලංකා නිල සංචාරය පිළිබඳ ඡායාරූප ඇතුළත් ඇල්බමයක් එතුමිය වෙත පිළිගැන්වීම පාර්ලිමේන්තු ප්‍ර‍තිසංස්කරණ හා ජනමාධ්‍ය අමාත්‍ය ගයන්ත කරුණාතිලක මහතා අතින් පිරිනැමීම ඊයේ (16) සිදු විය.
නේපාල ජනාධිපතිනිය ඊයේ (16) දිවයිනෙන් පිටත්ව යාමට පෙර මෙම ඡායාරූප ඇල්බමය ජනාධිපතිවරිය වෙත පිරිනැමීම සිදු විය.
මෙම අවස්ථාවට අධිකරණ හා බුද්ධ ශාසන අමාත්‍ය ආචාර්ය විජේදාස රාජපක්ෂ මහතා, විදේශ රැකියා කටයුතු පිළිබඳ ඇමැතිනී තලතා අතුකෝරළ මහත්මිය සහ රජයේ ප්‍ර‍වෘත්ති අධ්‍යක්ෂ ජනරාල් ආචාර්ය රංග කලන්සූරිය මහතා එක්ව සිටියහ.
