මේ අතර ඔස්ට්රේලියාවේ රාජ්ය සංචාරයක නිරතවන ශ්රී ලංකාවේ ප්රථම රාජ්ය නායකයා ලෙස ජනාධිපති මෛත්රීපාල සිරිසේන මැතිතුමා පිළිගැනීම වෙනුවෙන් විශේෂ උත්සවයක් එරට අග්රාණ්ඩුකාර නිල නිවසේ දී (Government House ) සංවිධානය කර තිබූ අතර දෙරට අතර ද්විපාර්ශ්වික සාකච්ඡාවලින් අනතුරුව ජනාධිපතිතුමා ඒ සඳහා ද සහභාගී විය.
එහිදී එරට අග්රාණ්ඩුකාර Sir Peter Crosgrove මහතා සහ එම මැතිණිය විසින් ජනාධිපති මෛත්රීපාල සිරිසේන මැතිතුමා ඉතා උණුසුම් ලෙස පිළිගනු ලැබූහ.
ආචාර වෙඩිමුර 21ක් සහිත හමුදා උත්තමාචාර පිරිනමමින් අභිමානවත් අයුරින් මෙම පිළිගැනීම සිදු වු අතර දෙරටේ ජාතික ගීතයන් ද වාදනය කෙරිණි.
මේ අවස්ථාව සිහිපත් කරමින් ජනාධිපතිතුමා සමරු සටහනක් ද තැබීය.