ශ්‍රීලංකන් ගුවන් සමාගම පසුගියදා පකිස්තානු Miss Veet තරගාවලියේ අවසන් වටයට තෝරා පත් වු සුරූපිනියන් කරච්චි සිට කොළඹ වෙත රැගෙන ඒම සඳහා ගුවන් සත්කාරක දායකත්වය ලබාදී ඇත.
මෙම තරගයේ අවසන් වටය මෙරට දකුණු මුහුදු දිග ප්‍රදේශයේ බලපිටියේ දී පැවැත්වූ අතර, එමගින් ශ්‍රී ලංකාවට පකිස්තානය පුරා විශාල ප්‍රසිද්ධියක් ද ලබා දී ඇත. මෙම අවසන් වටය සඳහා තෝරා පත් වූ කණ්ඩායම සඳහා තරගකාරියන් 44 දෙනෙකු, සැලසුම්කරුවන්, රූපලාවන්‍ය උපදේශකවරුන්, ප්‍රසිද්ධ විනිසුරු මඩුල්ලක් ද කරච්චි සිට මෙරටට පැමිණ තිබුණි.
මෙම කණ්ඩායම මෙරට මේ මස 17 දක්වා දින 17ක් පුරා රැදී සිටිනු ඇත. Miss Veet තරගාවලියේ අවසන් තරගවටය සඳහා තෝරා පත් කර ගැනීමේ පූර්ව තරග කරච්චි, ලාහෝර් සහ ඉස්ලාමාබාද් හි පවත්වා ඇත. මෙම තරගය පකිස්තානයේ ප්‍රමුඛතම රූපවාහිනී නාලිකාවක් වන HUM TV මගින් සංවිධානය කළ අතර එම නාලිකාව ඇතුළු එහි සහෝදර නාලිකා ඔස්සේ මෙම වැඩසටහන විකාශනය වනු ඇත.
