අයහපත් කාලගුණ තත්ත්වයත් සමඟ සිදු වූ ආපදා තත්ත්වයෙන් අඩාල වූ හම්බන්තොට දිස්ත්රික්කයේ ජනතාවගේ ජන ජීවිතය යථා තත්ත්වයට පත් කිරීම වෙනුවෙන් ගෙන යන වැඩපිළිවෙළේ ප්රගතිය පිළිබද සොයා බැලීමේ විශේෂ සාකච්ඡාවක් ජනාධිපති මෛත්රිපාල සිරිසේන මැතිතුමාගේ ප්රධානත්වයෙන් ඊයේ (06) පස්වරුවේ හම්බන්තොට දිස්ති්රක් ලේකම් කාර්යාලයේ දී පැවැත්විණි.
අමාත්යවරුන්වන සජිත් ප්රේමදාස, මහින්ද අමරවීර, දකුණු පළාත් ප්රධාන අමාත්ය ශාන් විජයලාල් ද සිල්වා, රාජ්ය අමාත්ය දිලීප් වෙදආරච්චි යන මහත්වරුන් ඇතු`ථ දිස්ත්රික්කයේ දේශපාලන නියෝජිතයින් රැසක් ද, හම්බන්තොට දිස්ත්රික් ලේකම් ඩබ්ලිව්.එච්. කරුණාරත්න මහතා ඇතුථ නිලධාරින් මෙම සාකච්ඡාවට එක්ව සිටියහ.