මෙවර විශ්වවිද්‍යාල ප්‍රවේශයට අදාළ කඩයිම් ලකුණු නිකුත් කිරීම අද (20) දිනයේ සිදුකරන බව විශ්වවිද්‍යාල ප්‍රතිපාදන කොමිෂන් සභාව පවසයි.
අද දහවල් සිට කඩඉම් ලකුණු අන්තර්ජාලයට එක් කිරීමට කටයුතු යොදා ඇති බව විශ්වවිද්‍යාල ප්‍රතිපාදන කොමිෂන් සභාව සඳහන් කරයි.
2015 වර්ෂයේ අධ්‍යයන පොදු සහතික පත්‍ර උසස් පෙළ විභාගයේ විශ්වවිද්‍යාල ප්‍රවේශයට අදාළ කඩඉම් ලකුණු මෙලෙස නිකුත් කිරීමට නියමිතය.
මෙවර විශ්වවිද්‍යාල සඳහා සාමාන්‍ය හා විශේෂ ප්‍රවේශයන් යටතේ ළමුන් 27,600කට වැඩි පිරිසක් බඳවා ගැනීමට සැලසුම් කර ඇති බව විශ්වවිද්‍යාල ප්‍රතිපාදන කොමිෂන් සභාව වැඩිදුරටත් පවසයි.ඒ අනුව www.ugc.ac.lk යන වෙබ් අඩවියෙන් විශ්වවිද්‍යාල ප්‍රවේශය සඳහා වන කඩඉම් ලකුණු ලබාගැනීමට හැකිවනු ඇත.
