මෙම වර්ෂයේ කෑගල්ල දිස්ත්රික්කයේ සැමට සෙවණ නිවාස වැඩ සටහන යටතේ නිවාසලාභින් වෙත මුල්ය ප්රතිපාදන ප්රදානය කිරිමේ උත්සවය නිවාස හා ඉදි කිරිම් අමාත්ය සජිත් ප්රේමදාස මහතාගේ ප්රධානත්වයෙන් හෙට (21) සිදු කෙරේ.
ඒ අනුව මෙම උත්සවය හෙට පස්වරු 2.00 කෑගල්ල නගර ශාලාවේදී පැවැත්වීමට නියමිත බව කෑගල්ල ජාතික නිවාස සංවර්ධන අධිකාරිය පවසයි.
මෙහිදි ප්රතිලාභීන් 500 දෙනෙක් සඳහා මිලියන 50ක මුදලක් ලබා දීමට නියමිත බව කෑගල්ල නිවාස සංවර්ධන අධිකාරියේ දිස්ත්රික් කළමනාකරු අයි. එම්. චන්ද්රසේකර මහතා වැඩිදුරටත් පවසායි.
මෙම අවස්ථාවට කෑගල්ල දිස්ත්රික් දේශපාලන අධිකාරිය, රාජ්ය නිලධාරීන් ඇතුළු විශාල පිරිසක් සහභාගී වීමට නියමිත ව ඇත.