• #163, කිරුළපන මාවත, කොළඹ 05, ශ්‍රී ලංකාව
  • +94 112 51 5759

engtami

මාළිගාවත්ත “ලක්හිරු සෙවණ” නිවාස ව්‍යාපෘතියේ පළමු අදියර ජනපති අතින් ජනතා අයිතියට

He news 2017 6 29කොළඹ නගරය තුළ අඩුපහසුකම් සහිත නිවාසවල ජීවත්වන පවුල් සඳහා නවීන පහසුකම් සහිතව ස්ථීර නිවාස ලබාදීමේ වැඩසටහන යටතේ ඉදිකළ මාළිගාවත්ත, ලක්හිරු සෙවණ, මහල් නිවාස ව්‍යාපෘතියේ පළමු අදියර ජනාධිපති ගරු මෛතී‍්‍රපාල සිරිසේන මැතිතුමා අතින් ඊයේ (28) පස්වරුවේ ජනතා අයිතියට පැවරිණි.


මහා නගර හා බස්නාහිර සංවර්ධන අමාත්‍යාංශයේ මෙහෙයවීම මත නාගරික සංවර්ධන අධිකාරිය විසින් නාගරික පුනර්ජීවන ව්‍යාපෘතිය යටතේ ඉදිකරනු ලැබූ මෙම නිවාස සංකීර්ණය නිවාස ඒකක 192 කින් සමන්විත අතර, වැය කර ඇති මුදල රුපියල් ලක්ෂ 6,720 කි.


“ලක්හිරු සෙවණ” සම්පූර්ණ ව්‍යාපෘතිය නිවාස ඒකක 768 කින් සමන්විතය. ඒ අනුව තවත් නිවාස ඒකක 192 බැගින් වූ ගොඩනැගිලි 03 ක් ඉදිකිරීමට නියමිත අතර, ශී‍්‍ර ලංකා දුම්රිය දෙපාර්තමේන්තුවේ සේවක නිල නිවාස සඳහා මෙන්ම මාළිගාවත්ත අවට වෙසෙන පවුල් වෙත එම නිවාස ලබාදීමට නියමිතය.


සමරු ඵලකය නිරාවරණය කර නව නිවාස සංකීර්ණය ජනතා අයිතියට පවරාදුන් ජනාධිපතිතුමා එහි නිවාස දෙකක් ද නිරීක්ෂණය කරනු ලැබීය.


අග‍්‍රාමාත්‍ය රනිල් වික‍්‍රමසිංහ, අමාත්‍යවරුන් වන පාඨලී චම්පික රණවක, නිමල් සිරිපාල ද සිල්වා, සරත් ෆොන්සේකා, රාජ්‍ය අමාත්‍ය ඒ.එච්.එම්. ෆවුසි, නියෝජ්‍ය අමාත්‍ය ලසන්ත අලගියවන්න, පාර්ලිමේන්තු මන්තී‍්‍ර මුජිබර් රහුමාන් යන මහත්වරුන් ඇතුළු පිරිසක් මෙම අවස්ථාවට එක්ව සිටියහ.

නවතම පුවත්

ශ්‍රී ලංකාවේ තිරසාර සංවර්ධන ඉලක්කයන් වෙත ළඟාවීම සඳහා රාජ්‍ය හා පෞද්ගලික මාධ්‍ය ප්‍රභවයන් ඵලදායී අරමුණක් වෙත ගෙන යාම මෙම දෙපාර්තමේන්තුවේ කාර්යභාරය වේ.