කළුතර දිස්ත්රික්කයේ මිල්ලනිය ප්රාදේශීය ලේකම් කොට්ඨාසයේ ගංවතුරෙන් පීඩාවට පත් පවුල් දහසක් සදහා ගෑස් ලිප් සහ සිලින්ඩර් ලබාදීමට ලිට්රෝ ගෑස් ලංකා සමාගම කටයුතු කර තිබේ.
එය සංකේතවත් කරමින් දස දෙනෙකු වෙත එම ගෑස් ලිප් සහ සිලින්ඩර් ප්රදානය කිරීම අද (03) පෙරවරුවේ ජනාධිපති කාර්යාලයේ දී ජනාධිපති මෛත්රීපාල සිරිසේන මැතිතුමා අතින් සිදු විය.
ගෑස් ලිපකින්, සිලින්ඩරයකින් සහ රෙගියුලේටරයකින් සමන්විත මෙම එක් කට්ටලයක වටිනාකම රුපියල් පන්දහසකට අධිකය.
පාර්ලිමේන්තු මන්ත්රී මලිත් ජයතිලක, ලිට්රෝ ගෑස් ලංකා සමාගමේ සභාපති ශලිල මුණසිංහ, අධ්යක්ෂ චමින්ද එදිරිවික්රම, මිල්ලනිය ප්රාදේශීය ලේකම් සමන්තිකා ලියනගේ යන මහත්ම මහත්මීන් ඇතුළු පිරිසක් මෙම අවස්ථාවට එක්ව සිටියහ.