මෙරටට විවෘත ආර්ථික ක්‍රමය හඳුන්වා දී 40 වසරක් සපිරීම සහ අග්‍රාමාත්‍ය රනිල් වික්‍රමසිංහ මහතාගේ දේශපාලන දිවියට හතලිස් වසරක් සපිරීම නිමිත්තෙන් මෙන්ම රට ජාතියට සෙත් පැතීමත්, පොදුජන මෙහෙවර සඳහා කැපවී සේවා සලසන සියලු දෙනා වෙත ආශිර්වාද පැතීමත් අරමුණු කර ගනිමින් සර්ව රාත්‍රික පරිත්‍රාණ ධර්ම දේශනාවක් මෙම මස 3 වෙනි දින ගම්පහ දිස්ත්‍රික් ලේකම් කාර්යාලයේ දී පැවැත්වේ.පසුදින උදෑසන 40 නමක් විෂයෙහි හීල් දානය පිරිනැමෙන බවත් මෙම ආගමික කටයුත්ත දිස්ත්‍රික්කයේ ප්‍රාෙද්ශීය ලේකම් කාර්යාලයන් සහ දිස්ත්‍රික් ලේකම් කාර්යාල පරිශ්‍රයෙහි පිහිටි ආයතනයන්හි සංවිධානත්වයෙන් පැවැත්වෙන බවත් ගම්පහ දිසාපති සුනිල් ජයලත් මහතා පැවසීය.
