• #163, කිරුළපන මාවත, කොළඹ 05, ශ්‍රී ලංකාව
  • +94 112 51 5759

engtami

නව ආණ්ඩු ක්‍රම ව්‍යවස්ථාව තුළින් තොරතුරු අයිතිය තවදුරටත් ශක්තිමත් කරනවා - මුදල් හා ජනමාධ්‍ය ඇමැති

PIC 011ඉදිරිපත් කිරීමට යෝජිත නව ආණ්ඩු ක්‍රම ව්‍යවස්ථාව තුළින් තොරතුරු දැන ගැනීමේ අයිතිය තව දුරටත් තහවුරු කරන බව මුදල් හා ජනමාධ්‍ය අමාත්‍ය මංගල සමරවීර මහතා ප්‍රකාශ කරයි.

වසරකුත් මාස තුනක කාලයක් තුළ ක්‍රියාත්මක තොරතුරු දැන ගැනීමේ පනත තව දුරටත් ශක්තිමත් කිරීමේ අරමුණින් මෙම පියවර ගන්නා බවයි අමාත්‍යවරයා පෙන්වා දෙන්නෙ. බස්නාහිර පළාත් තොරතුරු නිලධාරීන්ගේ වැඩමුළුව අමතමින් අමාත්‍යවරයා මේ බව කියා සිටියේ ය.  වැඩමුළුව අද (11) පෙරවරුවේ අරලියගහ මන්දිරයේ දී පැවැත්විණි.

මංගල සමරවීර අමාත්‍යවරයා කළ සම්පූර්ණ කතාව මෙසේ ය.

අපි 2016 අංක 12 දරණ තොරතුරු දැනගැනීමේ පනත ක‍්‍රියාත්මක කර  වසරකුත් මාස තුනක් පමණ ගතවෙලා තියෙනවා.  මේ කෙටි කාලය තුළ මේ පනත සම්බන්ධයෙන් ක‍්‍රියාත්මක වීම ඉතාම සක‍්‍රීය ආකාරයකට ඉදිරියට ගෙනියන්න පුලූවන් වෙලා තියෙනවා. අපේ අමාත්‍යාංශය  2017  -2019 තොරතුරු දැනගැනීමේ සැලැස්මක් ක‍්‍රියාත්මක කරමින් තොරතුරු දැන ගැනීම එදිනෙදා මහජන ජීවිතයේ කොටසක් බවට පත්කිරීමේ ක‍්‍රියාදාමයේ යෙදිලා ඉන්නවා.

පනත හඳුන්වා දීමෙන් නොනැවතී මේක ක‍්‍රියාත්මක කරන්න  ඕන  වටපිටාවකුත් නිර්මාණය කරා.  අපි  දහනමවෙනි ආණ්ඩුක‍්‍රම ව්‍යවස්ථා සංශෝධනයෙන් සහතික කළ තොරතුරු දැනගැනීමේ අයිතිය මූලික මිනිස් අයිතිවාසිකම් අතරට එකතු කළා.

මේ විදිහට ආණ්ඩුක‍්‍රම ව්‍යවස්ථාවට  ඇතුලත්  මුලික අයිතිවාසිකමක්  1978න් පසුව එකතු කරපු පළවෙනි වතාව. ඒ විතරක් නෙවෙයි මේ වන විට අපි නිර්මාණය කරමින් සිටින ශ්‍රී ලංකාවේ තුන් වැනි ජනරජ ව්‍යවස්ථාව තුළත් තොරතුරු දැනගැනීමේ අයිතියට අපි ප්‍රමුඛත්වය ලබා දීල තියෙනවා. මොකද අපි පිළිඅරන් තියෙනවා ජනතාවට ප‍්‍රජාතන්ත‍්‍රවාදී  නිදහස සැබෑ ලෙසම භුක්ති විඳින්න නම් ඔවුන්ට නීතිමය රාමුවක් ඇතුළත රටේ රජය සහ පරිපාලනය ක‍්‍රියාත්මක වීමේ තත්වය දියුණු කරන්න  ඕනේ බව.
මේ තොරතුරු දැන ගැනීම මහජනතාවගේ නීතිමය අයිතියක් ලෙස පිළිගැනීම ලෝකයේ අමුතු දෙයක්  නොවෙයි. ස්වීඩනය වගේ රටවල්  අවුරුදු දෙසීයකට විතර ඉස්සර තොරතුරු දැනගැනීම ජනතාවගේ අයිතියක් කියලා පිළිඅරන් තියෙනවා. ඒ වගේම  ජාත්‍යන්තර මානව හිමිකම් ප‍්‍රඥප්තිය ගත්තොත් 1948 අවුරුද්දේ එක්සත් ජාතීන්ගේ සංවිධානය ජනතාවට තොරතුරු දැනගැනීමේ අයිතිවාසිකම් පිළිඅරන් තියෙනවා.
මේ අනුව යමින් අපි පසුගිය අවුරුද්දේ හඳුන්වලා දුන්න මේ පනත ලෝකයේ හොඳම තොරතුරු දැනගැනීමේ  පනත්  10 ඇතුලත තියෙන බව ජාත්‍යන්තර  සංවිධානයකින් ශ්‍රේණි ගත කරලා තියෙනවා.
අපි මෙතරම් ශක්තිමත් රාමුවක් තියන තොරතුරු දැනගැනීමේ පනතක් හඳුන්වලා දුන්නේ  විසිඑක්වෙනි සියවසේ මේ සමාජය, මේ රට ලෝකයේ අනිත් දියුණු රටවල් එක්ක ඉදිරියට  ගෙනිහින් ආර්ථික වශයෙන්  අපි ඇතිකර ගනිමින් යන මේ අලූත් වර්ධනය එක්ක සමාජීය දේශපාලන වශයෙන් පුරවැසියා බලගන්වන ඉතා ශක්තිමත් සමාජ සම්මුතියක් ඇතිකර කර ගන්නයි.
මේ සමාජ සම්මුතිය ශක්තිමත් වෙන්න නම් විවෘත විනිවිදභාවයක් සහිත ඒ වගේම ජනතාවට වගකියන, ජනතාවත් එක්ක  සම්බන්ධ පාලනයක් රට තුළ තියෙන්න  ඕනේ.
 
මෙවැනි තත්වයක් ඇති කරගන්න රජයේ නිලධාරීන් සහ පාලකයින් සිදුකරන කටයුතු ජනතාවට අවශ්‍ය ආකාරයට දැන ගැනීමේ ක‍්‍රමවේදයක් අවශ්‍යයි. ඒ වෙනුවෙන් තමයි මේ තොරතුරු දැනගැනීමේ පනත ගෙනාවේ.

ඒක නිසා තොරතුරු දැනගැනීමේ නිලධාරීන් විදියට ඔබ සියලු දෙනා ක‍්‍රියාත්මක වෙන්නේ රටේ පාලනයත් ජනතාවත් අතර සම්බන්ධය ඇති කරන පාලමක් විදියට. එතකොට් මේ පාලම් ශක්තිය වැඩි වෙන්න වැඩි වෙන්න ජනතාවත් ආණ්ඩුවත් අතර සම්බන්ධය වැඩිවෙනවා.
ඒ තුළින් ප‍්‍රජාතන්ත‍්‍රවාදී පාලනය වඩාත් ශක්ති ශක්තිමත් වෙනවා. මා ඔබ සියලූ දෙනාගෙන් ඉල්ලා සිටින්නේ මේ විශාල වගකීම තේරුම් අරන් මහජන උවමනාවන්ට වඩා සංවේදී වෙමින් තමන්ගේ කාර්යය වඩාත් කාර්යක්ෂමව ඉටුකරන ලෙස.

නවතම පුවත්

මාධ්‍ය නිවේදනය - 2019.10.15- ජනාධිපතිවරණය 2019- තැපෑලෙන් නිල ඡන්දය දීමේ පහසුකම් සහ නිල ඡන්ද දැන්වීම් පත්‍රිකා බෙදාහැරීම

15 October 2019

මාධ්‍ය නිවේදනය - 2019.10.15- ජනාධිපතිවරණය 2019- තැපෑලෙන් නිල ඡන්දය දීමේ පහසුකම්...

මාධ්‍ය නිවේදනය- 2019.10.15

15 October 2019
මාධ්‍ය නිවේදනය- 2019.10.15

ගතවූ පැය 24 කාලය (2019.10.14 ප.ව.4.30 දක්වා ) තුළ මැතිවරණ...

මාධ්‍ය නිවේදනය - 2019.10.14- ජනාධිපතිවරණය 2019

14 October 2019

මාධ්‍ය නිවේදනය - ඡන්ද පොළේදී ඡන්දදායකයින්ගේ අනන්‍යතාව තහවුරු කිරීම අනිවාර්යයි

මාධ්‍ය නිවේදනය- 2019.10.14

14 October 2019

ගතවූ පැය 24 කාලය (2019.10.13 ප.ව. 4.30 දක්වා) තුළ මැතිවරණ...

මාධ්‍ය නිවේදනය - 2019.10.12 - ගත වූ පැය 24 තුළ (2019.10.11 ප.ව.4.30 දක්වා ) මැතිවරණ පැමිණිලි සාරාංශය

12 October 2019

ගත වූ පැය 24 තුළ (2019.10.11 ප.ව.4.30 දක්වා ) මැතිවරණ පැමිණිලි...

අමාත්‍ය මණ්ඩල තීරණ 2019.10.09

10 October 2019
අමාත්‍ය මණ්ඩල තීරණ 2019.10.09

2019.10.09 වැනි දින රැස්වූ අමාත්‍ය මණ්ඩල රැස්වීමේදී එළැඹුණු තීරණ පහත...

ජනාධිපතිවරයා තෝරා පත් කර ගැනීම පිළිබඳ ජන්ද විමසිම -2019

10 October 2019

ජනාධිපතිවරයා තෝරා පත් කර ගැනීම පිළිබඳ ජන්ද විමසිම -2019 ගතවු...

මාධ්‍ය නිවේදනය 2019.10.09 - ගත වූ පැය 24 තුළ මැතිවරණ පැමිණිලි ‌‌

09 October 2019

ගත වූ පැය 24 කාලය තුළ ජාතික මැතිවරණ පැමිණිලි කළමනාකරණ...

මාධ්‍ය උපමාන ගැසට් නිවේදනය - ජනාධිපතිවරණය 2019

08 October 2019
 මාධ්‍ය උපමාන ගැසට් නිවේදනය  - ජනාධිපතිවරණය 2019

මාධ්‍ය උපමාන ගැසට් නිවේදනය - ජනාධිපතිවරණය 2019  

ජනාධිපතිවරයා ‌‌තෝරා පත් කර ගැනීම පිළිබඳ ඡන්ද විමසිම- 2019

08 October 2019

ජනාධිපතිවරයා ‌‌තෝරා පත් කර ගැනීම පිළිබඳ ඡන්ද විමසිම- 2019 2019.11.16...

ජනාධිපතිවරයා තෝරා පත් කර ගැනීම පිළිබඳ ඡන්ද විමසීම - 2019

07 October 2019

ජනාධිපතිවරයා තෝරා පත් කර ගැනීම  පිළිබඳ ඡන්ද විමසීම - 2019...

ජනාධිපතිවරයා තෝරා පත් කර ගැනීම පිළිබඳ ඡන්ද විමසීම - 2019

07 October 2019

ජනාධිපතිවරයා තෝරා පත් කර ගැනීම පිළිබඳ ඡන්ද විමසීම - 2019...

මාධ්‍ය නිවේදනය- 2019.10.06- මැතිවරණ කොමිෂන් සභාවෙන් ඉල්ලීමක්

06 October 2019
මාධ්‍ය නිවේදනය- 2019.10.06- මැතිවරණ කොමිෂන් සභාවෙන් ඉල්ලීමක්

වැඩවර්ජනවලින් ඉවත් වී බාධාවකින් තොරව ජනාධිපතිවරණය පැවැත්වීමට සහාය ලබාදෙන ලෙස...

ශ්‍රී ලංකාවේ තිරසාර සංවර්ධන ඉලක්කයන් වෙත ළඟාවීම සඳහා රාජ්‍ය හා පෞද්ගලික මාධ්‍ය ප්‍රභවයන් ඵලදායී අරමුණක් වෙත ගෙන යාම මෙම දෙපාර්තමේන්තුවේ කාර්යභාරය වේ.

world wesak conferace final logo