වගා කටයුතු වෙනුවෙන් ප්රමිතියෙන් තොර තේ පැල ලබා ගන්නා වගාකරුවන් සඳහා රජයෙන් ලබා දෙන ආධාර මුදල් ලබා නොදීමට පියවර ගන්නා බව කෑගල්ල දිස්ත්රික් කුඩා තේ වතු සංවර්ධන අධිකාරී කාර්යාලය පවසයි.
ඒ අනුව මින් ඉදිරියට ලියාපදිංචි තේ පැල තවාන් වලින් පමණක් තේ පැල ලබා ගත යුතු අතර ඒ සඳහා එම තේ පැල තවාන් හිමියා විසින් නිකුත් කරන ලද ලදු පත ක්ෂේත්ර පරීක්ෂණයේ දී ඉදිරිපත් කළ යුතුය.
වගාකරුවන් සඳහා අදාළ ආධාර මුදල් හිමිවන්නේ මෙම කොන්දේසි සපුරාලීමෙන් අනතුරුවය.කෑගල්ල දිස්ත්රික්කයේ තේ වගාකරුවන් ප්රමිතියෙන් තොර තේ පැල අඩු මුදලකට ලබා ගැනීමේ ප්රවණතාවයක් පසුගිය සමයේ වාර්තා වූ අතර, ඒ තත්ත්වය වැළක්වාලීම සඳහා මෙම පියවර ගත් බව කුඩා තේ වතු සංවර්ධන අධිකාරී කාර්යාලයේ කෑගල්ල දිස්ත්රික් ප්රාදේශීය කළමනාකරු ආර්.ඒ.ජී.පී රණසිංහ මහතා සඳහන් කරයි.