යටියන්තොට ප්‍රාදේශීය ලේකම් කොට්ඨාසයේ අධි අවධානම් ප්‍රදේශ ලෙස නම් කළ ප්‍රදේශවල ජීවත් වූ ජනතාව වෙනුවෙන් ලබා දී ඇති නව ඉඩම් සඳහා හිමිකම් පත්‍ර ප්‍රදානය කිරීම පාර්ලිමේන්තු මන්ත්‍රී සුජිත් පෙරේරා මහතාගේ ප්‍රධානත්වයෙන් පසුගිය දා යටියන්තොට කැලණි වත්තේ දී සිදු කෙරිණි.
යටියන්තොට ප්‍රාදේශීය ලේකම් කොට්ඨාසයේ පසුගිය වර්ෂයේ ඇති වූ අධික වර්ෂාව හේතුවෙන් ගොඩනැගිලි පරේෂණ සංවිධානය මඟින් මෙම ඉඩම් හඳුනාගනු ලැබීය.
මේ අනුව බෙරන්නාව, මලල්පොල, පොල්පිටිය, කබලුමුල්ල, මහවිල යන ග්‍රාම සේවා වසම්වල අධි අවධානම් ප්‍රදේශවල ජීවත් වු ජනතාව වෙනුවෙන් ඔවුන්ට ලබා දී දැනට ලබා දී ඇති ඉඩම්වල තාවකාලික නිවාසවල ජීවත්වන පවුල් 78ක් සඳහා මෙම හිමිකම් දීමනා පත්‍ර ප්‍රදානය කෙරිණි.
අවධානම් සහිත පවුල් සඳහා නව ඉඩම් හඳුනා ගැනීමේ වැඩසටහන මේ විට අවසන් කර ඇති බව යටියන්තොට ප්‍රාදේශීය ලේකම් මානෙල් කුලරත්න මහත්මිය මේ අවස්ථාවට සහභාගී වෙමින් පැවසුවාය.
මේ යටතේ ඔවුන් වෙනුවෙන් හෙක්ටයාර 8ක් පමණ වී ඔය, කැළණිවත්ත, ලැවන්ට්, පනාවත්ත හා ගනේපල්ල යන වතු සමාගම් වලින් මේ වනවිටත් පවරා ගෙන ඇත.
